अर्को इतिहास रच्दै एरिना टेलिभिजनको आयोजनामा नेपालमै पहिलो पटक टिकटक प्रतियोगिता हुदैं

जेष्ठ–२७, ईटहरी

टिकटकमा बढ्दो लोकप्रियतासँगै कलालाई सम्मान गर्ने उद्देश्य सहित नेपालमै पहिलोपटक एरिना टेलिभिजनको आयोजनामा प्रभु पे टिकटक स्टार २०७७ प्रतियोगिता हुने भएको छ । प्रतिस्पर्धात्मक रुपबाट सञ्चालन गर्न लागिएको प्रतियोगिता नेपालमै पहिलो पटक हुन लागेको हो । हरेक उमेर समुहका टिकटकमा रमाउनेहरुले यस प्रतियोगितामा भाग लिन सक्ने ओयजकले जनाएको छ । प्रतिस्पर्धाका लागि टिकटक प्रयोगकर्ताले प्रभु एप डाउनलोड गर्नुे पर्ने छ । डिजिटल प्रविधि मार्फत गर्न लागिएको यस प्रतियोगिताले व्यक्तिहरुको कलालाई उर्जागर गर्ने विश्वास लिइएको छ । प्रभु एप डोउनलोडगरी आफनो प्रतिभा सजिलै राख्न सकिने छ । कोरोना भाइरसबाट मानिसक त्रास बढिरहेकाले मानसिक त्रासलाई केही हदम्म कम गर्नलाई पनि यस पृथक कार्यक्रमको आयोजना गर्न लागिएको कार्यक्रम संयोजक सरोज श्रेष्ठले  बताएका छन् । श्रेष्ठले भिडभाड नगरी भौतिक दुरी कायम गरी अनलाइन माफर्त अडिसन लिइने पनि जानकारी गराएका छन् । हरेक उमेर समुहमा टिकटक एक लोकप्रिय माध्यम बन्दै गएकाले व्यक्तिहरुको कललाई अझ बढी विस्तार गर्नका लागि यस प्रतिस्पर्धाको आयोजना गर्न लागिएको बताएका छन् । यसैगरी श्रेष्ठले टिकटक प्रतिस्पर्धाले प्रयोगकर्तामा छुटै रौनकता थप्ने विश्वास पनि प्रकट गरेका छन् । उनले गुणस्तरीय तथा प्रभावकारी  टिकटक बनाएर प्रतिस्पर्धामा सहभागि हुनेलाई नगद रु पाँच लाखबाट पुरस्कृत गरिने पनि बताएका छन् ।।